MSN - Typing
Time left : XX : XX
Punjabi Typing Paragraph
ਜਿਸ ਇਮਾਰਤ ਦੀ ਨੀਂਹ ਹੀ ਕਮਜ਼ੋਰ ਹੋਵੇ, ਉਸ ਉਤੇ ਪਾਏਦਾਰ ਅਤੇ ਮਜ਼ਬੂਤ ਬਿਲਡਿੰਗ ਦੀ ਉਸਾਰੀ ਕਰਨਾ ਖਤਰੇ ਵਾਲੀ ਗਲ ਸਮਝੀ ਜਾਂਦੀ ਹੈ। ਕਹਿਣ ਦਾ ਭਾਵ ਹੈ ਕਿ ਸਾਡੇ ਵਿਦਿਆ ਵਿਭਾਗ ਦੇ ਅਫ਼ਸਰ ਅਤੇ ਮਨਿਸਟਰ ਆਦਿ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੀ ਸਥਾਪਨਾ ਤੇ ਜ਼ੋਰ ਦੇਂਦੇ ਰਹਿਣ ਅਤੇ ਪ੍ਰਾਇਮਰੀ ਸਿੱਖਿਆ ਨੂੰ ਅਣਗੌਲਿਆ ਕਰ ਛੱਡਣ, ਤਾਂ ਸਾਡੇ ਸਮਾਜ ਨੂੰ ਕੋਈ ਖਾਸ ਲਾਭ ਨਹੀਂ ਹੋਣ ਲੱਗਾ, ਕਿਉਂਕਿ ਹਾਈ ਸਕੂਲਾਂ, ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਵਿੱਚ ਉਹੀ ਵਿਦਿਆਰਥੀ ਦਾਖਲਾ ਲੈਂਦੇ ਹਨ, ਜੋ ਪਹਿਲਾਂ ਅਣਗੌਲੇ ਤੇ ਪਿਛੇ ਸੁੱਟੇ ਪਏ ਪ੍ਰਾਇਮਰੀ ਸਕੂਲਾਂ ਵਿਚੋਂ ਆਏ ਹਨ। ਇਨ੍ਹਾਂ ਬੱਚੇ, ਬੱਚੀਆਂ ਦਾ ਜੇ ਮੁਢਲੀ ਵਿਦਿਆ ਦਾ ਮਿਆਰ ਕਮਜ਼ੋਰ ਰਹਿ ਗਿਆ ਤਾਂ ਵਧੀਆਂ ਸਕੂਲਾਂ ਕਾਲਜਾਂ ਵਿੱਚ ਜਾ ਕੇ ਵੀ ਇਨ੍ਹਾਂ ਕਮਜ਼ੋਰ ਵਿਦਿਆਰਥੀਆਂ ਵਾਸਤੇ ਉੱਚੇ ਲੈਵਲ ਦੀ ਪੜ੍ਹਾਈ ਕਰਨ ਵਿੱਚ ਮੁਸ਼ਕਿਲਾਂ ਅਵੱਸ਼ ਆਉਣਗੀਆਂ, ਜਿਨ੍ਹਾਂ ਦਾ ਬਾਅਦ ਵਿੱਚ ਕੋਈ ਹੱਲ ਨਹੀਂ ਲਭਿਆ ਜਾ ਸਕਦਾ। ਕਹਿਣ ਦਾ ਭਾਵ ਹੈ ਕਿ ਸਮੁੱਚੀ ਵਿਦਿਅਕ ਪ੍ਰਣਾਲੀ ਵਿੱਚ ਸੁਧਾਰ ਲਿਆਉਣ ਲਈ, ਇਹ ਅਤਿਅੰਤ ਜ਼ਰੂਰੀ ਹੈ ਕਿ ਪਹਿਲਾਂ ਪ੍ਰਾਇਮਰੀ ਵਿਦਿਅਕ ਢਾਂਚੇ ਵਿਚ ਉੱਚੀ ਪੱਧਰ ਤੇ ਸੁਧਾਰ ਲਿਆਂਦਾ ਜਾਵੇ। ਛੋਟੇ ਚੌਥੀ ਕਲਾਸ ਤਕ ਦੇ ਬੱਚੇ ਚੰਗੇ ਸਕੂਲੀ ਵਾਤਾਵਰਣ ਵਿਚ, ਚੰਗੇ ਤੇ ਸੁਲਝੇ ਹੋਏ ਅਧਿਆਪਕਾਂ ਦੁਆਰਾ ਪੜ੍ਹਾਏ ਜਾਣ ਤਾਂਕਿ ਉਹ ਮਿਡਲ ਤੇ ਹਾਈ ਸਕੂਲਾਂ ਵਿਚ ਜਾ ਕੇ ਉਚੇ ਮਿਆਰ ਦੀ ਪੜ੍ਹਾਈ ਸਹੀ ਢੰਗ ਨਾਲ ਕਰ ਸਕਣ ਦੇ ਯੋਗ ਸਾਬਤ ਹੋਣ। ਭਾਰਤ ਵਿਚ ਜ਼ਿਆਦਾ ਆਬਾਦੀ ਪਿੰਡਾਂ ਦੀ ਵਸਨੀਕ ਹੈ ਅਤੇ ਸ਼ਹਿਰਾਂ ਨਾਲੋਂ ਪਿੰਡਾਂ ਦਾ ਹੀ ਵਿਦਿਆ ਪੱਖੋਂ ਬੁਰਾ ਹਾਲ ਹੈ। ਪਿੰਡਾਂ ਦੇ ਛੋਟੇ ਬੱਚਿਆਂ ਦਾ ਵਿਦਿਆ ਪੱਖੋਂ ਸੁਧਾਰ ਤੇ ਵਿਕਾਸ ਤਾਂ ਹੀ ਹੋ ਸਕਦਾ ਹੈ, ਜੇ ਇਹ ਨੀਤੀ ਅਪਣਾਈ ਜਾਏ ਕਿ ਕੋਈ ਵੀ ਅਧਿਆਪਕ ਕਿਸੇ ਕਸਬੇ ਜਾਂ ਸ਼ਹਿਰ ਵਿਚ ਪਹਿਲੀ ਵਾਰ ਨਵੀਂ ਨੌਕਰੀ ਤੇ ਨਿਯੁਕਤ ਨਹੀਂ ਕੀਤਾ ਜਾ ਸਕਦਾ, ਜਿੰਨਾ ਚਿਰ ਉਹ ਘਟ ਤੋਂ ਘਟ ਤਿੰਨ ਸਾਲ ਦੇ ਸਮੇਂ ਲਈ ਕਿਸੇ ਪਿੰਡ ਦੇ ਸਕੂਲ ਵਿੱਚ ਚੰਗੇ ਅਧਿਆਪਕ ਦੇ ਰੂਪ ਵਿਚ ਕੰਮ ਨਾ ਕਰ ਚੁੱਕਾ ਹੋਵੇ। ਤਿੰਨ ਸਾਲ ਉਪਰੰਤ ਉਸ ਅਧਿਆਪਕ ਨੂੰ ਹੀ ਕਿਸੇ ਸ਼ਹਿਰ ਜਾਂ ਕਸਬੇ ਦੇ ਸਕੂਲਾ ਜਾਂ ਕਾਲਜ ਵਿੱਚ ਬਦਲਿਆ ਜਾਏ, ਜੇ ਉਸ ਨੇ ਪਿਛਲੇ ਤਿੰਨ ਸਾਲਾਂ ਦੌਰਾਨ ਆਪਣੀ ਕਾਬਲੀਅਤ ਦੇ ਜੌਹਰ ਵਿਖਾਉਂਦਿਆ ਹੋਇਆਂ ਪਿੰਡ ਦੇ ਪ੍ਰਾਇਮਰੀ ਸਕੂਲ ਵਿੱਚ ਚੰਗਾ ਤੇ ਸ਼ਲਾਘਾਯੋਗ ਕੰਮ ਕਰਕੇ ਪ੍ਰਸ਼ੰਸਾਜਨਕ ਨਤੀਜੇ ਵਿਖਾਏ ਹੋਣ। ਪਿੰਡ ਦੇ ਪ੍ਰਇਮਰੀ ਸਕੂਲਾਂ ਦੇ ਅਧਿਆਪਕਾਂ ਤੋਂ ਇਲਾਵਾ, ਹਰ ਪਿੰਡ ਦੇ ਪ੍ਰਾਇਮਰੀ ਸਕੂਲ ਦੀ ਚੰਗੀ ਇਮਾਰਤ ਤੇ ਉਥੇ ਲੋੜੀਂਦਾ ਸਕੂਲੀ ਸਾਜ਼ੋ-ਸਮਾਨ ਵੀ ਉਪਲਬਧ ਕਰਵਾਇਆ ਜਾਵੇ। ਇਹ ਸਾਰਾ ਕੰਮ ਕੇਵਲ ਸਰਕਾਰ ਨਹੀਂ ਕਰ ਸਕਦੀ। ਇਸ ਦਾ ਘਟ ਤੋਂ ਘਟ 25 ਪ੍ਰਤੀਸ਼ਤ ਭਾਗ ਪਿੰਡ ਦੀ ਪੰਚਾਇਤ ਖਰਚ ਕਰੇ, ਜੋ ਪਿੰਡ ਵਾਸੀਆਂ ਤੇ ਵਿਦਿਅਕ-ਟੈਕਸ ਦੇ ਰੂਪ ਵਿੱਚ ਉਗਰਾਹਿਆ ਜਾਵੇ। ਸਟਾਫ਼ ਦੀ ਘਾਟ ਵੀ ਇਕ ਗੰਭੀਰ ਸਮੱਸਿਆ ਹੈ। ਜਿੱਥੇ ਕਲਾਸਾਂ ਤਾਂ ਪੰਜ ਹਨ ਪਰ ਅਧਿਆਪਕ ਕੇਵਲ ਦੋ ਜਾਂ ਤਿੰਨ ਹਨ। ਇਸ ਤੋਂ ਇਲਾਵਾ ਹਰ ਸੈਕਸ਼ਨ ਵਿੱਚ ਬੱਚਿਆਂ ਦੀ ਗਿਣਤੀ 20 ਜਾਂ 25 ਤੋਂ ਉੱਪਰ ਨਹੀਂ ਹੋਣੀ ਚਾਹੀਦੀ, ਤਾਕਿ ਹਰ ਬੱਚੇ ਵੱਲ ਅਧਿਆਪਕ ਨਿਜੀ ਤੌਰ ਤੇ ਧਿਆਨ ਦੇ ਸਕੇ। ਇਸ ਤੋਂ ਇਲਾਵਾ, ਚੈਕਿੰਗ ਸਟਾਫ਼ ਰੈਗੂਲਰ ਚੈਕਿੰਗ ਕਰੇ। ਅਸਲ ਵਿੱਚ ਚੈਕਿੰਗ ਉਹ ਹੈ ਜੋ ਬਿਨਾਂ ਦੱਸਿਆਂ ਅਚਾਨਕ ਹੀ ਸਕੂਲ ਵਿੱਚ ਕੇ ਕੀਤੀ ਜਾਵੇ। ਉਸ ਚੈਕਿੰਗ ਦਾ ਕੋਈ ਲਾਭ ਨਹੀਂ ਜਿਸ ਬਾਰੇ ਤਾਰੀਖ ਅਤੇ ਸਮਾਂ ਪਹਿਲਾਂ ਨਿਸ਼ਚਿਤ ਕਰਕੇ ਸਕੂਲਾਂ ਵਿੱਚ ਜਾਣਕਾਰੀ ਭੇਜੀ ਗਈ ਹੋਵੇ। ਜਿਸ ਅਧਿਆਪਕ ਦਾ ਕੰਮ ਢਿੱਲਾ ਅਤੇ ਗੈਰ-ਤਸੱਲੀਬਖਸ਼ ਹੋਵੇ, ਉਸ ਨੂੰ ਲਿਖ ਕੇ ਨੋਟਿਸ ਦਿੱਤਾ ਜਾਵੇ ਅਤੇ ਇਹ ਨੋਟਿਸ ਹਰ ਛੇ ਮਹੀਨੇ ਦੀ ਮਿਆਦ ਬਾਅਦ ਇਕ ਵਾਰ ਦਿੱਤੀ ਜਾਵੇ। ਜੇ ਅਣਗਹਿਲੀ ਬਾਰੇ ਤਿੰਨ ਨੋਟਿਸ ਕਿਸੇ ਅਧਿਆਪਕ ਨੂੰ ਮਿਲ ਜਾਣ, ਉਸ ਨੂੰ ਨੌਕਰੀ ਤੋਂ ਬਰਖਾਸਤ ਕੀਤਾ ਜਾਵੇ, ਪਰ ਬਰਖਾਸਤ ਕਰਨ ਤੋਂ ਪਹਿਲਾਂ ਸਬੰਧਤ ਅਧਿਆਪਕ ਨੂੰ ਅਣਗਹਿਲੀ ਬਾਰੇ ਕਾਰਨ ਪੁੱਛਣਾ ਬੇਹੱਦ ਜ਼ਰੂਰੀ ਹੈ, ਕਿਉਂਕਿ ਕਈ ਹਾਲਤਾਂ ਵਿੱਚ ਲਾਗਤਬਾਜ਼ੀ ਨਾਲ ਵੀ ਐਸੇ ਨੋਟਿਸ ਜਾਰੀ ਹੋ ਸਕਦੇ ਹਨ।
Gross Speed : Typed Word : Switch languages (Punjabi) from the taskbar. If you get any difficulty click here
Note: Type atleast 276 word to Repeat